រាជធានីភ្នំពេញ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គបានសព្វព្រះរាជហឫទ័យ ប្រោសព្រះរាជទាន ដល់ លោកជំទាវ Alona Fisher-Kamm ឯកអគ្គរដ្ឋទូតតែងតាំងថ្មី នៃ រដ្ឋអ៉ីស្រាអ៊ែល (State of Israel) ប្រចាំព្រះរាជាណាចក្រកម្ពុជា។
ព្រះរាជពិធីទទួលឯកអគ្គរដ្ឋទូតថ្មីនេះ បានប្រព្រឹត្តទៅនៅក្នុងព្រះទីនាំងទេវាវិនិច្ឆ័យ ព្រះបរមរាជវាំង នាព្រឹកថ្ងៃទី២៤ ខែវិច្ឆិកា ឆ្នាំ២០២៥។ ក្នុងព្រះរាជពិធីដ៏ឧត្ដុង្គឧត្ដមនេះ លោកជំទាវឯកអគ្គរដ្ឋទូតបាន ចូលក្រាបបង្គំគាល់ និងថ្វាយសារតាំង ជាផ្លូវការជូន ព្រះមហាក្សត្រ។
ការទទួលថ្វាយសារតាំងនេះ ជាសក្ខីភាពបញ្ជាក់ពីការបន្ត ពង្រឹងចំណងមិត្តភាព និងកិច្ចសហប្រតិបត្តិការដ៏ល្អប្រសើរដែលមានស្រាប់រវាង ព្រះរាជាណាចក្រកម្ពុជា និងរដ្ឋអ៉ីស្រាអ៊ែល លើគ្រប់វិស័យ៕