សម្តេចតេជោ ហ៊ុន សែន ចែករំលែកសារអង្គការអ្នកប្រជាធិបតេយ្យនិយមកណ្តាលអន្តរជាតិ អំពាវនាវឲ្យថៃគោរពកិច្ចព្រមព្រៀង ដើម្បីដោះស្រាយជម្លោះព្រំដែនដោយសន្តិវិធី

ភ្នំពេញ៖ សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាអតីតនាយករដ្ឋមន្ត្រី កាលពីព្រឹកថ្ងៃទី២៤ ខែវិច្ឆិកា ឆ្នាំ២០២៥ នេះ បានបង្ហោះសារមួយនៅលើបណ្តាញសង្គម Facebook ផ្លូវការរបស់សម្តេច ដោយចែករំលែកនូវសេចក្តីថ្លែងការណ៍របស់ អង្គការអ្នកប្រជាធិបតេយ្យនិយមកណ្តាលអន្តរជាតិ (Centrist Democrat International – CDI) ស្តីពីការដោះស្រាយជម្លោះព្រំដែន។

អានបន្ថែម៖ CDI និងការទូតសន្តិភាពកម្ពុជា៖ វិភាគស៊ីជម្រៅលើឥទ្ធិពលអង្គការនយោបាយកណ្តាលអន្តរជាតិ ក្នុងការអំពាវនាវដោះស្រាយជម្លោះព្រំដែន

ខ្លឹមសារនៃសារដែលត្រូវបានចែករំលែកដោយសម្តេចតេជោ ហ៊ុន សែន បានបញ្ជាក់យ៉ាងច្បាស់ថា៖

«អង្គការអ្នកប្រជាធិបតេយ្យនិយមកណ្តាលអន្តរជាតិ គាំទ្រការដោះស្រាយជម្លោះដោយសន្តិវិធី, អំពាវនាវដោយស្មោះដល់រដ្ឋាភិបាលថៃ និងទាហានថៃ គោរពនូវកិច្ចព្រមព្រៀងសន្តិភាព ធម្មនុញ្ញអាស៊ាន ធម្មនុញ្ញអសប ក្នុងការដោះស្រាយជម្លោះព្រំដែនដោយសន្តិវិធី»។

សារនេះបានសង្កត់ធ្ងន់លើគោលការណ៍គ្រឹះនៃការគោរពច្បាប់អន្តរជាតិ និងយន្តការតំបន់ ដូចជា ធម្មនុញ្ញអង្គការសហប្រជាជាតិ (អសប) និង ធម្មនុញ្ញអាស៊ាន ក្នុងការដោះស្រាយវិវាទរវាងប្រទេសជិតខាង ដើម្បីធានាបាននូវសន្តិភាព ស្ថិរភាព និងការអភិវឌ្ឍប្រកបដោយចីរភាពក្នុងតំបន់៕

អានបន្ថែម៖ ភាពខុសគ្នាសំខាន់ៗរវាង ICJ និង ICC